Vi er så heldige å få vist utstillinga Du finn meg på kanten, på Kunsthuset Wrap i Bergen søndag 27. september 2020. Utstillinga vil bli presentert i ei ny form, under arrangementet Søndagskrydder. Det er eit familievennleg arrangement mellom klokka 11.30 – 1600. Vi har desseverre ikkje sjølve høve til å vere til stades, men ynskjer Bergenspublikumet ein fin ettermiddag og rettar ein stor takk til det fantastiske Kunsthuset Wrap for samarbeidet! Utstillinga har tekster av Fanny Holmin, og foto av Svein Olav Humberset. Ho er produsert med støtte frå Norske Fagfotografers fond, Norsk Forfattersentrums medlemsfond, og Bergen kommune, kultur. Her sit vi på trappa til Gamlegymnaset i Volda, der utstillinga fyrste gong vart vist i 2018.
I november deltok eg på kurs i Shared Reading i Ålesund. I regi av Møre og Romsdal fylkeskommune. I samarbeid med Trøndelag fylkeskommune utdannar dei leseleiarar i flest mulig kommunar i landsdelen.
Sjølv vil eg vere aktiv i ei lesegruppe som blir oppretta i Volda på Gnisten aktivitetshus våren 2020. Tilbodet der er i samarbeid med eit forskingsprosjekt ved Høgskulen i Volda.
Trioen Kringel tjuvstartar Åram Pluss-festivalen i Vanylven. To konsertar for bebuarar og pårørande på Vanylven helse- og omsorgssenter, onsdag 22. mai.
Torsdag 9. mai lanserer vi utgåve nummer 59 av tidsskriftet Kraftverk. Det er ei nettutgåve. Eg ser fram til å møte skrivarar og publikum i UROM, Bergen Bibliotek kl. 1900. Du kan sjå programmet her:
Utstillingsopning
Laurdag 1. desember klokka 13 – 15 opnar kunstutstillinga Du finn meg på kanten på Gamlegymnaset i Volda. Fotokunstnar Svein Olav Humberset og poet Fanny Holmin viser arbeid frå sitt første samarbeidsprosjekt.
Ein kan nyte salsutstillinga i utstillingsrommet i andre etasje. Opning ved Kari Hasle. Opplesing ved Fanny Holmin. Ta gjerne med barn, det blir sittegrupper og eigen leikekrok i siderommet.
På avslutningsdagen i romjula vert det ein minikonsert med jazzmusikar Mari Kvien Brunvoll.
Parkering ved idrettsplassen ved Volda vidaregåande skule.
Torsdag 6. desember er det lansering av den nye og nydelege utgåva av Kraftverk 58. Dette er ei papirutgåve som er ypparleg som julegåve til den leseglade. Lanseringsarrangementet blir også verdt å få med seg. Der vil redaksjonen for Kraftverk delta i paneldebatt leia av lektor Grethe Melby. Om det å skrive og om det å vurdere andre sine tekster. Og ikkje minst vil Pedro Carmona-Alvarez også ta del med refleksjonar og avsluttande konsert. I tillegg vil skrivarar lese opp tekster og tidsskrifet er til sals for kr. 100,- . Heile stasen finn stad på Litteraturhuset i Bergen. Kom, og gled deg du som kan!
Design Ian Holcroft, utgivar Kunst, kultur og psykisk helse.
Torsdag 31. mai klokka 1900 kan den som vil ta turen til UROM i Bergen bibliotek. Tidsskriftet Kraftverk nr. 57 blir lansert og vi får sjå den flotte utgåva på storskjerm. Skrivarar les opp, det blir innlegg og musikk. Sjå heile programmet her: http://kkph.no/lansering-kraftverk-57/
Ho er no busett i Volda. Ho har tidvis vore tilsett ved Avdeling for kulturfag ved Høgskulen i Volda. Etter å ha fullført master i Meistring og myndiggjering, arbeider ho i Volda kommune, avdeling psykisk helse.
